Eze 6 | Ndebele | STEP | Ilizwi leN kosi laselifika kimi lisithi:

1 Ilizwi leNkosi laselifika kimi lisithi: 2 Ndodana yomuntu, khangelisa ubuso bakho ^a ngasezintabeni zakoIsrayeli ^b, uprofethe umelene lazo. 3 Uthi: Lina zintaba zakoIsrayeli, zwanini ilizwi leNkosi uJehova ^c. Itsho njalo iNkosi uJehova ezintabeni ^d, lemaqaqeni ^e, ezifuleni ^{f
,} ^g, lezihotsheni ^{h
,} ⁱ: Khangelani, mina ngizakwehlisela phezu kwenu inkemba, ngichithe indawo zenu eziphakemeyo ^j. 4 Lamalathi enu azachithwa, lamalathi enu elanga aphahlazwe ^k, lababuleweyo benu ngibaphosele phansi phambi kwezithombe zenu ^{l
,} ^m. 5 Ngibeke izidumbu zabantwana bakoIsrayeli phambi kwezithombe zabo ⁿ, ngihlakaze amathambo enu inhlangothi zonke zamalathi enu ^{o
,} ^p. 6 Kuzo zonke indawo zenu zokuhlala imizi izachithwa ^q, lendawo eziphakemeyo ^r zibe ngamanxiwa ^s, ukuze amalathi enu achithwe ^t abe ngamanxiwa ^u, lezithombe zenu ziphahlazwe ziphele, lamalathi enu elanga aqunywe, lemisebenzi yenu itshabalaliswe ^v. 7 Lababuleweyo bazakuwa phakathi kwenu, njalo lizakwazi ukuthi ngiyiNkosi ^w.

8 Kodwa ngizatshiya insali ^x ukuze libe labanye abazaphepha inkemba phakathi kwezizwe ^y lapho lizahlakazekela emazweni ^z. 9 Labaphunyukileyo benu ^aa bazangikhumbula phakathi kwezizwe lapho abathunjelwe khona ^{ab
,} ^ac; ngoba ngidabukile ngenxa yenhliziyo yabo ephingayo, esukileyo kimi ^ad, langamehlo abo ^ae aphingayo elandela izithombe zabo ^af. Njalo bazazenyanya ngobubi ababenzileyo kuwo wonke amanyala abo ^{ag
,} ^ah. 10 Njalo bazakwazi ukuthi ngiyiNkosi ^ai; kangikhulumanga ^aj ngeze ukuthi ngizakwenza lokho okubi kubo ^ak.

11 Itsho njalo iNkosi uJehova: Tshaya ngesandla sakho ^al, utshaye phansi ngonyawo lwakho ^am, uthi: Maye ngenxa yawo wonke amanyala amabi endlu yakoIsrayeli! ngoba bazakuwa ngenkemba, ngendlala, langomatshayabhuqe wesifo ^an. 12 Okhatshana uzakufa ngomatshayabhuqe wesifo, loseduze uzakuwa ngenkemba, loseleyo wavinjezelwa uzakufa yindlala ^ao. Ngokunjalo ngizaphelelisa ukufutheka kwami phezu kwabo ^ap. 13 Khona lizakwazi ukuthi ngiyiNkosi ^aq, lapho ababuleweyo babo sebephakathi kwezithombe zabo behanqe amalathi abo ^ar, phezu kwalo lonke uqaqa olude ^as, ezingqongeni zonke zezintaba ^at, langaphansi kwaso sonke isihlahla esiluhlaza ^au, langaphansi kwalo lonke i-okhi* ^av eliqatha ^aw, indawo ababenikela khona iphunga elimnandi kuzo zonke izithombe zabo ^ax. 14 Ngokunjalo ngizakwelulela isandla sami phezu kwabo ^ay, ngenze ilizwe libe lunxiwa, yebo, libe lunxiwa kulenkangala ^az ngaseDibila ^ba, kuzo zonke izindawo zabo zokuhlala ^bb. Khona bezakwazi ukuthi ngiyiNkosi ^bc.